ພັດທະນາສີມືຊ່າງໄມ້

ອົງການ IV-JAPAN ໄດ້ນຳສະເໜີທັກສະຊ່າງໄມ້ແບບຍີ່ປຸ່ນມາຫຼາຍກວ່າ 20 ປີຢູ່ປະເທດລາວ. ມີຊ່ຽວຊານຊ່າງໄມ້ ຄົນຍີ່ປຸ່ນຫຼາຍທ່ານທີ່ໄດ້ມາລາວ ແລະ ສອນທັກສະຊ່າງໄມ້ໃຫ້ແກ່ບັນດາຄູຝຶກ ແລະ ຊາວໜຸ່ມຈຳນວນຫຼາຍ. ໃນໄລຍະຜ່ານມາ, ພວກເຮົາໄດ້ດຳເນີນການຝຶກອົບຮົມຢູ່ທີ່ສູນການສຶກສານອກໂຮງຮຽນ ຂອງພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ສູນການສຶກສານອກໂຮງຮຽນ. ປັດຈຸບັນນີ້, ພວກເຮົາກຳລັງດຳເນີນໂຄງການຝຶກທັກສະຊ່າງໄມ້ ໂດຍຮ່ວມກັບ ສະຖາບັນພັດທະນາອາຊີວະສຶກສາ ເພື່ອພັດທະນາທັກສະຊ່າງໄມ້ຂອງຄູຝຶກຢູ່ໃນປະເທດລາວ.

ໃນທີ່ນີ້, ພວກເຮົາໄດ້ນຳສະເໜີທັກສະຊ່າງໄມ້ຢູ່ໃນເວບໄຊທ໌. ທ່ານສາມາດເບິ່ງວີດີໂອກ່ຽວກັບຊ່າງໄມ້ ແລະ ວີດີໂອແນະນຳຕ່າງໆ, ແຜນການອອກແບບເຟີນີເຈີແບບງາມໆ ແລະ ຊ່ອງ YouTube ຂອງພວກເຮົາ. ທັງໝົດນີ້ຈະຊ່ວຍໃຫ້ທ່ານສ້າງເຟີນີເຈີທີ່ແຂງແຮງ ແລະ ສວຍງາມ. ພວກເຮົາຫວັງຢ່າງຍິ່ງວ່າ ຄູຝຶກຊ່າງໄມ້, ນັກສຶກສາ ແລະ ຊ່າງໄມ້ ຈະນຳໃຊ້ຂໍ້ມູນຕ່າງໆໃນເວບໄຊທ໌ຂອງເຮົານີ້ ເພື່ອໄປພັດທະນາທັກສະຊ່າງໄມ້ໃຫ້ດີຂຶ້ນ.